मंगलबार मात्रै ५७ जनामा कोरोना संक्रमण पुष्टि , संक्रमितको संख्या १९१ पुग्यो

३० बैखाख । नेपालमा कोरोना भाइरसबाट दिन प्रतिदिन संक्रमित हुनेहरुको संख्यामा वृद्धि भइरहेकाे छ । आज मात्रै ५७ जनामा पुष्टि भएसँगै नेपालमा काेराेना संक्रमितकाे संख्या १९१ पुगेको छ । आज राष्ट्रिय जनस्वास्थ्य प्रयोगशाला टेकुमा गरिएको परीक्षणमा थप ५७ जनामा संक्रमण पुष्टि भएकाे हाे ।

मंगलबार संक्रमण पुष्टि भएकाहरुमध्ये पर्साका ३९, कपिलवस्तुका ८, रुपन्देहीका ९ र बाराका एक जना रहेका छन् । यश भन्दा पहिले नेपालमा यति ठुलाे संख्यामा काेराेना देखिएकाे थिएन याे पहिलो पटक यति धेरैजनामा पुष्टि भएकाे हाे।

हालसम्म संक्रमण पुष्टि भएकामध्ये ३३ जना निको भएका छन् ।