संवैधानिक परिषद् बैठक निर्णयविहिन अझै प्रधानन्यायाधीश सिफारिस हुन सकेन

संवैधानिक परिषद्ककाे बैठकले अझै अव अाउने प्रधानन्यायाधीशको सिफारिस गर्न असफल भएको छ । सोमबारकाे परिषद् बैठकले प्रधानन्यायाधीशमा दीपकराज जोशी वा चोलेन्द्रशमशेर जबरामध्ये कसलाई सिफारिस गर्ने भन्ने कुराकाे कुनै निर्णय लिन सकेन । विपक्षी दलका नेता एवं कांग्रेस सभापति देउवा पार्टीको केन्द्रीय कार्यसमिति बैठकमा जानुपर्ने भन्दै बाहिरिएपछि सिंहदरबारस्थित प्रधानमन्त्री तथा मन्त्रिपरिषद्को कार्यालयमा सोमबार बसेको परिषद् बैठक केहीबेरमै स्थगित भएको हो ।

प्रधानन्यायाधीका लागि सर्वोच्च अदालतमा कम्तीमा तीन वर्ष काम गरेको न्यायाधीश योग्य हुने कानुनी व्यवस्था छ । जोशी र जबराको मात्रै योग्यता पुगेकाले प्रधानन्यायाधीशका लागि न्यायपरिषद्ले सिफारिस गरेको हो ।